१४ असार २०८० । हुग्दिशिर । बागलुङको बरेङ गाउँपालिकाले “स्थानीय स्रोतको उपयोग,स्वामित्व र सहभागिता पूर्णखोप पालिका हाम्रो प्रतिबद्धता” भन्ने नाराका साथ गाउँपालिकालाई बिहीबार पूर्ण खोप सुनिश्चितता दिगोपना पालिका घोषणा गरेको छ ।

बरेङ गाउँपालिकाले  १६ महिना देखी ५९ महिनासम्मका ४ सय ७० जना बालवालिका र १५ महिना उमेर भित्रका बालबालिकालाई राष्ट्रिय खोप तालिका अनुसार पाउनु पर्ने सबै खोप दिलाइ पूर्ण खोप पाएको सुनिश्चितता गर्दै बरेङ गाउँपालिकालाई पूर्ण खोप सुनिश्चितता दिगोपना भएको घोषणा गरिएको हो ।

गाउँपालिका भरिका जनप्रतिनिधि, स्वास्थकर्मी, विभिन्न संघ संस्थाका प्रतिनिधि लगायतको उपस्थितिमा आगामी दिनहरुमा समेत पूर्ण खोप सुनिश्चितता दिगोपना कायम राख्ने प्रतिवद्धता समेत गरिएको छ ।