FAQs Complain Problems

बरेङमा बृहत निःशुल्क स्वास्थ्य शिविर सम्पन्न, ६ सय ५० जनाले लिए सेवा

२०८०।०१।३० ।  बरेङ गाउँपालिका वडा नं. २  हुग्दिशिरको  बरेङ बजार स्थित सर्वोदय माध्यमिक विद्यालयमा बृहत निःशुल्क स्वास्थ्य शिविर सम्पन्न भएको छ ।

युवाको जाँगर, राष्ट्र निर्माणको आधार भन्ने नाराका साथ युनाइटेड क्लब पोखराको आयोजना, मेडिप्लस हस्पिटल एण्ड ट्रमा सेन्टर प्रा.लि. पोखरा–११ रानीपौवा र नरहरी पोलिक्लनिक डाइग्नेष्टिक सेन्टर प्रा.लि.को प्र्राविधिक सहयोग तथा बरेङ गाउँपालिकाको व्यवस्थापनमा शनिबार बृहत निःशुल्क स्वास्थ्य शिविर सम्पन्न भएको हो।

शिविरको  उद्घाटन गर्दै बरेङ गाउँपालिकाका अध्यक्ष कृष्ण प्रसाद शर्माले  आयोजक युनाइटेड क्लब पोखरालाई दुर्गम ठाँउ बरेङ गाउँपालिकामा निःशुल्क स्वास्थ्य शिविर राखी यहाँका जेष्ठ नागरिक, अपाङ्ग, निम्न आयस्तर भएका नागरिकहरुलाई सहयोग गरेकोमा धन्यवाद ज्ञापन गरेका छन् ।
उद्घाटन कार्यक्रममा डा. सरोज पोख्रेल, वडा नं.१ का वडा अध्यक्ष नरसेङ पुन, युनाइटेड क्लब पोखराका कार्यकारी सदस्य जयराम आचार्य लगायतले मन्तव्य राखेका थिए ।

कार्यक्रममा आयोजक युनाइटेड क्लब पोखराद्वारा पालिका अध्यक्ष कृष्ण प्रसाद शर्मालाई मायाको चिनो साथै बरेङ गाउँपालिका प्रशासकीय अधिकृत जित बहादुर रानालाई कदर पत्र प्रदान गरिएको थियो ।  युनाइटेड क्लब पोखराका अध्यक्ष राजु श्रेष्ठको अध्यक्षता, क्लबका महासचिव दिनेश सुनारको सञ्चालनमा सम्पन्न भएको थियो ।

 शिविरमा भिडियो एक्स रे, इसिजी, नाक, कान, घाटी, हाडजोर्नी, मुटु, छाती, पेट, सुगर, थाइराईड लगाएतका  ६ सय ५० बिरामीले  सेवा लिएका हुन् ।

आर्थिक वर्ष: